Plaz per termagliar, senudar, giugar e grillar

Plaun Petschen sut Cumpadials ei in liug bein situaus sper la via da velo e la senda da spassegiar. Sper il laghet e la plazza da termagliar cun pusseivladad da grillar eis ei vegniu realisau la primavera 2010 aunc ina plazza da sport sin sablun. Ina plazza cun la surfatscha da duas plazzas da ballareit duei era star a disposiziun per auters sports, sco per exempel ballapei el sablun e badminton, ni era sco plazza da termagliar per l'entira famiglia.