contact | lincs | intern  | |   | |  Deutsch

sponsur dil plaz

Il sponsur dil plaz paga ina contribuziun unica da CHF 15'000 (incl. material e cuosts da montascha dalla reclama sin las bandas). La reclama vala per 10 onns.

  • reclama speciala en la broschura da baghegiar (distribuziun vischnaunca Sumvitg, commmembers....)
  • menziun speciala a caschun da radunonza generala ed occasiuns dall'uniun
  • gronda reclama sin la seiv dil plaz
  • reclama (blachas ni transparents) a caschun da turniers ed occasiuns
  • reclama sin las bandas entuorn il plaz
  • logo sin la tabla da sponsurs e fauturs
  • reclama sin la pagina d'internet cun link e logo
  • logo sin flyers tier turniers ed occasiuns
  • logo sin la correspondenza dall'uniun

sponsurs principals

Ils sponsurs principals pagan ina summa unica da CHF 2'000 (incl. material e cuosts da montascha per la reclama sin las bandas) ni enteifer 5 onns ina summa annuala da mintgamai CHF 400 (cuoz minimal 5 onns). Silsuenter sa il sponsuradi vegnir prolunghius annualmein.
reclama el la broschura da baghegiar (distribuziun vischnaunca Sumvitg, commembers....)

  • reclama (blachas ni transparents) a caschun da turniers ed occasiuns
  • reclama sin las bandas entuorn il plaz
  • logo sin la tabla da sponsurs e fauturs
  • reclama sin la pagina d'internet cun link e logo
  • logo sin flyers tier turniers ed occasiuns

reclama sin las bandas

Il plaz da sablun vegn serraus giu cun elements da metal. Sin quellas bandas dat ei la pusseivladad da metter si reclamas sin la vart ordadora. La reclama vegn squitschada sin ina folia resistenta all'aura e taccada sin ils elements da metal.
Il cuost egl emprem onn munta CHF 300 (incl. material e cuosts da montascha dalla reclama). El 2. - 5 onn cuosta la reclama mintgamai CHF 100 per onn (cuoz minimal 5 onns). Silsuenter sa la reclama vegnir prolunghida annualmein.

commembradi passiv

Il commember passiv sustegn finanzialmein l'uniun cun ina contribuziun annuala da CHF 20. Commember passiv san persunas naturalas e giuridicas daventar.