Beach Sport Plaun Petschen

Project per in plaz da sport sin sablun a Plaun Petschen, Cumpadials (Vischnaunca Sumvitg)

Survesta

  1. Punct da partenza
  2. Finamiras dil project
  3. Liug
  4. Plaz
  5. Cuosts
  6. Finanziaziun
  7. Plan da termins
  8. Diever dil plaz
  9. Organisaziun / Responsabladad
  10. Manteniment

1. Punct da partenza

Avon presapauc 20 onns ha Sumvitg Turissem baghegiau il plaz da termagliar a Plaun Petschen. Igl onn 2003 eisi vegniu construiu in laghet da far bogn. Quei bi e ruasseivel liug sper il rein vegn duvraus stediamein duront il temps da stad, seigi quei dad indigens, jasters che fan vacanzas ni persunas che van a spassegiar ni cun velo. L’Uniun da cultura e sport Cumpadials intenziunescha dad augmentar la purschida cun in plaz da sport sin sablun.

2. Finamiras dil project

Cun la construcziun dil plaz da sport sin sablun vul l’Uniun da cultura e sport promover il sport da ballareit ella regiun. Quei sport ein fetg derasaus en auters loghens e vegn era da fitgar pei tier nus. Il plaz da sport ei ina purschida attractiva supplementara per hosps da vacanzas, indigens, scolas e famiglias. Quei indrez da sport cumpletescha la purschida actuala. Il plaz duei porscher alla giuventetgna ed era allas scolas in liug dad esser activs. Igl ei previu da construir dus plazs per aschia haver la pusseivladad da menar atras turniers pli plart cun eventualmein era prender part a campiunadis. Il plaz porscha la pusseivladad per differentas activitads sportivas, numnadamein ballareit, ballapei, badminton eav. Il plaz porscha secapescha era la pusseivladad per ils affons da termagliar en ina fetg gronda sablunera.
Quei niev plaz da sport da sablun e la purschida actuala cun la plazza da termagliar ed il laghet ei silsuenter in liug ideal dad esser activs cun sports ni da ruassar e guder.

3. Liug

Il plaz vegn construius directamein sper il laghet a Plaun Petschen en direcziun encunter vest. Il terren appartegn alla vischnaunca (zona: ulteriur terren communal) e vegn prius si en dretg da baghegiar per il cuoz da 30 onns.

4. Plaz

Ei vegn construiu dus plazs tenor las reglas ufficialas dil sport da ballareit cun in plaz da giugar da mintgamai 16 x 8 m. Plinavon sto ei esser entuorn il plaz ina zona libra medemamin cun sablun. La profunditad dil sablun munta à ca. 35 cm. La surfatscha cun sablun munta 24 x 26 m (624 m2). Il plaz vegn construius sin il terren existent cun ulivar nua ei fa basegns e prender naven il humus. Il plaz da sablun vegn spartius cun elements da metal (annexa 4) per sparter bein il plaz cun sablun dil terren circumdont. Il plaz vegn serraus giu cun ina seiv da ca. 1 m altezia analog a quella entuorn il plaz da giug cun ina distanza da rodund 5 m tier il plaz cun sablun per aschia impedir che animals possien vegnir en.

plaz da ballareit a Glion cun 3 plazs da giugplaz da ballareit Val Lumnezia (Davos Munts)

5. Cuosts

Ils cuosts da construcziun muntan tenor offertas à CHF 102'000. Il grond post da cuosts ei il sablun ed il transport da quel sco era la construcziun digl ur da metal. Per construir il plaz basegna ei ca. 220 m3 sablun, ina peisa da ca. 330 tonnas. Ei drova in sablun special per quei plaz da sport.
Ils cuosts d’erreger quei plaz ein relativamein aults. La contrucziun vegn denton fatga a moda professiunala. A liunga vesta vegn ei a sepagar ed ils cuosts da manteniment ein persuenter pli pigns.

preventiv

Umrandungselemente aus StahlblechCHF21'000.001)
Trenn-VliesCHF2'200.001)
Quarzsand 324 T. inkl. TransportCHF30'200.001)
Sportgeräte (Pfosten, Netz, etc.)CHF5'000.001)
WinterabdeckungCHF12'600.001)
Montagehilfe inkl. AnreiseCHF1'100.001)
Material ZaunCHF3'600.001)
Arbeit ZaunCHF2'000.001)
Aushub maschinellCHF2'500.001)
Spezialfolie auf TerrainCHF2'600.001)
Koffermaterial inkl. TransportCHF6'200.001)
Betonsockel für PfostenCHF1'800.001)
Arbeit (Umrandung und Einbau Sand)CHF7'000.002)
Fahrbewilligung für LKW 40 TonnenCHF1'000.003)
BaubewilligungenCHF900.003)
GeometerkostenCHF800.003)
Grundbuchamt, BaurechtsvertragCHF500.003)
Verwaltungs- und BürokostenCHF1'000.003)
    
Total KostenCHF102'000.00 
    
eigene Arbeit (Umrandung, Einbau Sand)CHF-7'000.00 
eigene Arbeit (Aushub, Beton, Zaun, Koffer)CHF-6'000.00 
Benzin MaschinenCHF1'000.00 
FinanzierungsbedarfCHF90'000.00 


1) gemäss Offerten
2) Schätzung eigene Arbeit
3) gemäss diversen Abklärungen

6. Finanziaziun

L’Uniun da cultura e sport Cumpadials ha buca ils mieds finanzials per erreger quei plaz. Ils cuosts ston vegnir curclai cumpleinamein cun contribuziuns dil maun public (vischnaunca e cantun), organisaziuns turisticas, instituziuns che sustegnan il turissem ed il sport, contribuziuns da fatschentas e privats ed ulteriurs sponsurs. Ils commembers dalla nova uniun ein obligai da pagar ina contribuziun annuala. La lavur vegn per gronda part fatga en lavur cumina dils commembers e gidonters (annexa 6).

Vischnaunca SumvitgCHF10'000.001)
Sumvitg TurissemCHF10'000.002)
Cantun Grischun (fondo da sport)CHF15'000.001)
Donaziuns privatasCHF5'000.002)
Sponsurs, fatschentas e fauturs CHF46'000.002)
Contribuziuns da commembersCHF4'000.002)
    
Atgna lavur  3)
    
Calculaziun da cuosts senza atgna lavurCHF90'000.00 


1) contribuziun empermessa
2) aunc negin consentiment
3) atgna lavur ei gia tratga giu els cuosts

7. Plan da termins

8. Diever dil plaz

Il plaz duei esser accessibels ad in e scadin che vul nezegiar quel (uniuns, scolas, laghers, hosps da vacanzas, famiglias….). Il plaz duei survir allas scolas sco plazza da sport. Ils affons e la giuventetgna dueien vegnir animai da far dapli sport e da semuentar (ballareit, ballapei, eav.). Ei vegn organisau inscunters per indigens e hosps da vacanzas per dar ballareit e ballapei. Ei vegn organisau turniers da sport sin sablun. Per entscheviders vegn fatg instrucziun speciala cun trenaments per aschia emprender il sport da ballareit.

9. Organisaziun / Responsabladad

L’Uniun da cultura e sport Cumpadials da decidiu da sustener quei project. Il project ei vegnius elaboraus entras Gion Michel Flepp e Lucas Tuor.
Per la construcziun ed il menaschi dil plaz ei vegniu fundau ina nova uniun che ei activa ella regiun (Beach Sport Plaun Petschen, Cumpadials). Tut ils interessents dalla regiun e d’ordeifer san far part dall’uniun, tut tgi che ha plascher e vul sustener quei sport sil sablun sa vegnir commember activ ni passiv.

10. Manteniment

La responsabladad per il manteniment vegn coordinada cun Sumvitg Turissem che ha quitau dalla plazza da giug ed il laghet dasperas. En quei senn sa vegnir fatg diever l’in da l’auter dall’infrastructura che ei gia avon maun (tualetta, laghet). Ils cuosts da manteniment vegnan finanziai primarmein cun contribuziuns annualas dils commembers.